Metroda iki qatar toqquşdu: 10 yaralı

Macarıstanın paytaxtı Budapeşt şəhərində metroda iki qatarın toqquşması nəticəsində 10 nəfər xəsarət alıb.

Avtosfer.az “Report”a istinadən xəbər verir ki, hadisə “qırmızı” xətdə olub. Qatarlardan biri digəri ilə tuneldə toqquşub. Qəza baş verən xətdə hərəkət dayandırılıb. Sərnişinlər üçün əlavə avtobus marşrutları təşkil edilib.

Qəzanın başvermə səbəbləri araşdırılır.