Metrodan çıxan iki nəfəri maşın vurdu

Axşam saatlarında Bakının Sabunçu və Nəsimi rayonlarında piyada vurulması ilə nəticələnən yol qəzası baş verib. Avtosfer.az Ölkə.az-a istinadən xəbər verir ki, hər iki hadisədə zərər çəkən şəxslər xəstəxanaya yerləşdiriliblər. Qəzalardan biri “28 may” metrosu yaxınlığında baş verib. Piyada keçidində, zolağın üstündə 51 yaşlı Ceyhun Əliyev vurulub. “Hyundai” markalı maşın tərəfindən vurulan piyada xəstəxanaya yerləşdirilib. Digər hadisə isə metronun “Koroğlu” stansiyasının qarşısında baş verib. Metrodan çıxan, 22 yaşlı Cəmilə adlı qadın naməlum avtomobil tərəfindən vurulub. Qadın dərhal Sabunçu xəstəxanasına yerləşdirilib. Ağır kəllə-beyin travması alan yaralının vəziyyəti orta-ağır qiymətləndirilir.

Hər iki faktla bağlı araşdırma aparılır.