“Meyvəli”də güclü yanğın - 3 maşın, 18 ton məhsul yandı

Dünən axşam saatlarında “MEYVƏLİ” Ticarət mərkəzində yanğın baş verib. Avtosfer.az xəbər verir ki, bu barədə Fövqəladə Hallar Nazirliyindən verilən məlumata görə, yanğın nəticəsində 2 yük, 1 minik avtomobili və tonlarla məhsul yanıb. Belə ki, Qaradağ rayonunda yerləşən “MEYVƏLİ” ticarət mərkəzinin gözətçi köşkü, yaxınlıqda dayanmış 2 ədəd "Kamaz" markalı yük avtomobili və maşınlara yığılmış 18 ton tərəvəz məhsulunun bir hissəsi yanıb. Yanğın yaxınlıqda dayanmış “Hyundai” markalı minik avtomobilinə də keçib. Yanğın saat 21:29-da söndürülüb.

Emin