Mikroavtobus ağaca çırpıldı, sürücü yaralandı - VİDEO

Şəki rayonunun Orta Zəyzid kəndi ərazisində yol-nəqliyyat hadisəsi baş verib. Avtosfer.az xəbər verir ki, bu barədə Fövqəladə Hallar Nazirliyi (FHN) məlumat yayıb. Müəyyən olunub ki, “Shaolin SLG 6602” markalı mikroavtobusun yoldan çıxaraq ağaca çırpılması nəticəsində yol-nəqliyyat hadisəsi baş verib və sürücü deformasiyaya uğramış avtomobildə sıxılı vəziyyətdə qalıb. Avtomobildə sıxılı vəziyyətdə qalan 1990-cı il təvəllüdlü sürücü Famil Namiq oğlu Məmmədov xilas edərək təcili tibbi yardım briqadasına təhvil veriblər. Hadisə ilə əlaqədar müvafiq qurumlar tərəfindən araşdırma aparılır.