Mikroavtobus aşdı – 2 ölü, 4 yaralı

Rusiyanın Stavropol vilayətində Azərbaycan vətəndaşının idarə etdiyi mikroavtobus aşıb. Avtosfer.az-ın "Report"a istinadən verdiyi xəbərə görə, qəza nəticəsində iki nəfər ölüb, ikisi Azərbaycan vətəndaşı olmaqla dörd nəfər isə xəsarət alıb. Rusiya Dövlət Yol Polisindən bildirilib ki, qəzaya səbəb mikroavtobusun arxa təkərinin yerindən çıxması olub. Qəza nəticəsində mikroavtobus dərəyə aşıb.

Polisin məlumatına görə, mikroavtobusu idarə edən 27 yaşlı Azərbaycan vətəndaşı bundan əvvəl cinayət məsuliyyətinə cəlb olunmayıb və dörd illik sürücülük təcrübəsinə malikdir.