Mikroavtobus minik avtomobili ilə toqquşdu: 2 nəfər xəsarət alıb

Bu gün Bakı-Qazax magistral yolunun Şəmkir rayonunun Könüllü kəndindən keçən ərazisində qəza baş verib. Avtosfer.az apa-ya istinadən xəbər verir ki, “Mercedes-Sprinter” markalı mikroavtobusla “VAZ-2106” markalı minik avtomobili toqquşub.

Qəza nəticəsində 2 nəfər – Şəmkir rayon Kür qəsəbə sakini 1985-ci il təvəllüdlü Fərman Məmişov və rayonun Muxtariyyə kənd sakini 1980-ci il təvəllüdlü Bayram Əlibabayev müxtəlif bədən xəsarətləri alaraq Şəmkir rayon Mərkəzi Xəstəxanasına yerləşdiriliblər. Faktla bağlı Baş Dövlət Yol Polisi İdarəsində araşdırma aparılır.