Mikroavtobus minik maşını ilə toqquşub, üç nəfər xəsarət alıb - YENİLƏNİB

Salyan rayonunda ağır yol qəzası baş verib. Avtosfer.az xəbər verir ki, bu barədə apa-nın Mil-Muğan bürosunun verdiyi məlumata görə, hadisə ötən gün Salyan rayonunun Qardaşbəyli kəndi ərazisində qeydə alınıb.

Mikroavtobusun “Mercedes” markalı avtomobillə toqquşması nəticəsində

avtobusun sürücüsü Salyan rayonunun Yenikənd kənd sakini, 1958-ci il təvəllüdlü İsmayılov Əvəzağa Habil oğlu, Neftçala rayonunun Qoltuq kənd sakini, 1974-cü il təvəllüdlü Qardaşov Yadulla Əhədağa oğlu və həmin rayonun Həsənabad kənd sakini, 1977-ci il təvəllüdlü Abdullayev Araz Xalid oğlu ağır xəsarətlərlə Salyan Rayon Mərkəzi Xəstəxanasına yerləşdirilib.

Mikroavtobusda sıxılmış vəziyyətdə qalmış sürücüsü  Əvəzağa İsmayılov Fövqəladə Hallar Nazirliyinin xilasediciləri tərəfindən xilas edilib.

Xəsarət alanlardan ikisinə açıq bazu və baldır sınığı, birinə isə çanağın sınığı diaqnozu qoyulub. 

Faktla bağlı araşdırma aparılır.