Mikroavtobus minik maşınına çırpıldı, yaralı var

Avtosfer.az kanals-ə istinadənxəbər verir ki, bu gün günorta saatlarında Şəkidə yol nəqliyyat hadisəsi baş verib. Şəhərin Sabit Rəhman küçəsində qeydə alınan hadisədə iki avtomobil toqquşub. Ara yoldan əsas küçəyə çıxan 20 DR 468 dövlət nömrə nişanlı "Ford" markalı mikroavtobusun sürücüsü, Tovuz sakini Mətləb Axundov "yol ver!" nişanının tələblərinə məhəl qoymayıb. Bu zaman sol tərəfdən gələn Şəki sakini Sədrəddin Allahverdiyevin idarə etdiyi "VAZ 2107" markalı minik avtomobili ona çırpılıb. Hadisə nəticəsində xəsarət alan minik avtomobilinin sürücüsu əraziyə gələn təcili yardım maşını ilə Şəki Rayon Mərkəzi Xəstəxanasına çatdırılıb. Xəstəxanada zərərçəkən müayinə olunub, ona ilkin tibbi yardım göstərilib. 

Faktla bağlı Şəki Şəhər RPŞ-də araşdırma aparılır.