Mikroavtobus piyadanı vurdu - Goranboyda

Goranboyda piyadanın xəsarət alması ilə nəticələnən yol qəzası baş verib. Avtosfer.az-ın APA-ya istinadən verdiyi məlumata görə, hadisə rayonun Səfikürd kəndi ərazisində qeydə alınıb. Kənd sakini 1978-ci il təvəllüdlü Məmmədova Aynurə Camal qızı yolu keçən zaman sərnişin daşıyan “Mercedes” markalı mikroavtobus tərəfindən vurulub. Xəsarət alan qadın xəstəxanaya yerləşdirilib. Vəziyyəti orta-ağırdır. Faktla bağlı Goranboy rayon Polis Şöbəsində araşdırma aparılır.