Mikroavtobus “QAZ-53”lə toqquşdu: 15 şagird, 2 müəllim xəsarət alıb – FOTO

Yevlaxda məktəbliləri daşıyan mikro avtobus qəza törədib. APA-nın məlumatına görə, hadisə Yevlax şəhərində baş verib. Hadisə Aran -1 qəsəbə məktəbinin şagirdlərini sınaq imtahanına aparan mikroavtobus “QAZ-53” markalı yük maşını ilə toqquşub. Toqquşma nəticəsində mikroavtobusda olan 15 şagir, 2 müəllim müxtəlif bədən xəsarəti alıblar. Yaralıların bir qismi Yevlax rayon Mərkəzi Xəstəxanasına, daha ağır yaralılar isə Mingəçevir şəhər Mərkəzi Xəstəxanasına yerləşdirilib. Mingəçevir şəhər Mərkəzi Xəstəxanasından bildirilib ki, Əliyev Ədalət Əbülfət oğlu, Mehdiyeva Manana Firdovsu qızı, İlyasov Tavat Səyyaf qızı, Qoşqarlı Əntiqə Qardaşxan qızı və Əhmədov Rəvanın vəziyyəti ağır olaraq qalır. Xəsarət alan məktəblilərin hamısı 2003-cü il təvəllüdlüdür.