Mikroavtobus qəzaya düşdü - 1 ölü, 6 yaralı FOTO-YENİLƏNİB

Bu gün axşam saatlarında Ağstafanın Qırılı kəndində ağır yol qəzası baş verib. Avtosfer.az Kəpəz TV-yə istinadən xəbər verir ki, Qazaxdan Gəncə istiqamətinə hərəkət edən “Ford Tranzit” markalı mikroavtobusla “Opel” markalı avtomobil toqquşub. Nəticədə “Opel”dəki bir nəfər və  mikroavtobusda olan 6 nəfər xəsarət alıb. Onlardan birinin vəziyyəti ağırdır. Polis yol qəzasının təfərrüatlarını araşdırır.

***

Yaralı “Opel”in sürücüsü 37 yaşlı Ceyhun Əliyev dünyasını dəyişib. Mikroavtobusda olan 6 nəfər - Göygöl sakinləri ata 46 yaşlı Mahir İmanquliyev, 2 qızı 24 yaşlı Maviyyə, 22 yaşlı Raziyə və digər 3 sərnişin Gəncə şəhər sakinləri Asim Məmmədov, Elsəvər Kazımov, Asif Fərəcov müxtəlif dərəcəli bədən xəsarət alaraq Ağstafa Mərkəzi Rayon Xəstəxanasına yerləşdiriliblər.