Mikroavtobus qəzaya uğrayıb, 10 nəfər yaralanıb

Ermənistanda mikroavtobus qəzaya uğrayıb. Avtosfer.az yerli mətbuata istinadla xəbər verir ki, İrəvan - Çarentsavan marşrutu ilə hərəkət edən “Qazel” markalı mikroavtobus “Mercedes-Benz” markalı avtomobillə toqquşub. Nəticədə 10 nəfər yaralanıb. Polisdən verilən məlumata görə, müxtəlif bədən xəsarətləri alan yaralılar Çarentsavan Tibb Mərkəzinə yerləşdiriliblər. Onlardan bəzilərinin vəziyyəti ağırdır. Hadisənin başvermə səbəbləri araşdırılır.