Mikroavtobus tuneldə qəzaya uğradı – Ölən və yaralananlar var

Cənubi Koreyanın yetkinlik yaşına çatmamış 10 vətəndaşı Çin ərazisində ağır yol qəzasında həlak olublar. Avtosfer.az-ın salamnews-a istinadən verdiyi xəbərə görə, bu barədə Cənubi Koreyanın Pekindəki səfirliyi məlumat yayıb. Bildirilib ki, yol-nəqliyyat hadisəsi səhər saatlarında Şandun əyalətinin Veyhay şəhərində baş verib. 11 nəfər aşağı sinif şagirdini və müəllimi aparan mikroavtobus tuneldə qəzaya uğrayıb və alışıb. Hadisə nəticəsində Cənubi Koreyadan olan 10 uşaq və bir çinli uşaq ölüb, müəllim isə ağır xəsarətlər alıb. Yol-nəqliyyat hadisəsində sürücü də həlak olub.