Mikroavtobus yük maşını ilə toqquşdu: 4 ölü, 11 yaralı

Türkiyənin Hakkari vilayətində ağır yol qəzası baş verib. Avtosfer.az Türkiyə mətbuatına istinadən xəbər verir ki, Yüksekova-Van yolunun 18-ci kilometrliyində sərnişin mikroavtobusu yük maşını ilə toqquşub.

Qəza nəticəsində 4 nəfər ölüb, 11 nəfər xəsarət alıb. Yaralılar xəstəxanalara yerləşdirilib. Onlardan 3-ün vəziyyəti ağır kimi qiymətləndirilir.