Mikroavtobusa yol verməyən 18 yaşlı xanım sürücü ağır qəza törətdi: 5 nəfər öldü - VİDEO

“VAZ”ın 18 yaşlı xanım sürücüsü 5 nəfərin ölümü ilə nəticələnən ağır yol qəzası törədib. Avtosfer.az xəbər verir ki, hadisə iyulun 10-da saat 14:20-də Simferopol - Baxçasaray - Sevastopol yolunun 47-ci kilometrliyində baş verib.

Məlumata görə, 18 yaşlı xanım sürücünün idarə etdiyi “VAZ-2109” markalı minik avtomobili “Mercedes Sprinter” markalı mikroavtobusla toqquşub.

Zərbənin təsirindən mikroavtobus aşıb, minik avtomobili isə deformasiyaya uğrayıb.  

Qəza nəticəsində “VAZ”ın 4 sərnişini hadisə yerində, 18 yaşlı sürücü qız isə bu gün – iyulun 11-də xəstəxanada ölüb.

Yerli medianın məlumatına görə, qəzaya 18 yaşlı sürücünün mikroavtobusa yol verməməsi səbəb olub.

Faktla bağlı cinayət işi açılıb, araşdırma aparılır.

Namiq Musayev