Mikroavtobusla pikap toqquşdu: 6 ölü, 11 yaralı

Taylandın cənub-şərqində yerləşən Sakeo əyalətində mikroavtobusla pikapın toqquşması nəticəsində 6 nəfər ölüb, 11 nəfər xəsarət alıb. Avtosfer.az-ın salamnews-a istinadən verdiyi xəbərə görə, yol-nəqliyyat hadisəsi bu səhər saat 06:00-da baş verib. Qastarbayterləri daşıyan mikroavtobus gözlənilmədən Çanthaburi və Sakoe əyalətlərini birləşdirən avtomobil yolunun ayırıcı bordürünə çırpılıb. Bundan sonra nəqliyyat vasitəsi qarşı zolağa çıxıb və pikapla toqquşub. Mikroavtobusun sürücüsü və Vyetnam vətəndaşı olan sərnişin xanım hadisə yerindəcə həyatını itirib, daha iki sərnişin isə xəstəxanada keçinib. Pikapın sürücüsü və sərnişininin də hadisə yerində keçindikləri bildirilir.