Mikroavtobusla yük maşını toqquşdu: 6 ölü, 3 yaralı

Rusiyanın Rostov vilayətində ağır yol qəzası baş verib. Avtosfer.az apa-ya istinadən xəbər verir ki, “Qazel” markalı mikroavtobus və  “KamAZ” markalı yük maşınının toqquşması nəticəsində 6 nəfər ölüb, 3 nəfər xəsarət alıb.

İlkin məlumata görə, mikroavtobusun sürücüsü  idarəetməni itirib və qarşısında hərəkət edən yük avtomobilinə çırpılıb. Güclü zərbənin təsirindən mikroavtobusda yanğın başlayıb.“KamAZ”-ın sürücüsü mikroavtobusun sürücüsü və iki sərnişinini deformasiyaya uğramış maşından çıxara bilib.

Hadisə yerinə polis, yanğınsöndürənlər və təcili tibbi yardım briqadaları cəlb edilib. Qəzanın səbəbləri araşdırılır.