Milli həndbol komandasını daşıyan avtobus aşdı

Kiprin kişilərdən ibarət həndbol komandası Estoniyada qəzaya düşüb. Komandanı daşıyan avtobus yoldan çıxaraq aşıb.

Avtosfer.az xəbər verir ki, Kipr Həndbol Federasiyası qəza barədə "Facebook"da məlumat yayıb.

Məlumata görə, ciddi xəsarət alan olmayıb, lakin nümayəndə heyətinin iki üzvü xəstəxanaya yerləşdirilib.

Federasiya bütün oyunçuların sağlam olduğuna və milli komandanın vətənlərinə təhlükəsiz qayıtması üçün bütün lazımi səylərin göstərildiyini vurğulayıb.