Mingəçevir və Xırdalanda ölümlə nəticələnən yol-nəqliyyat hadisələri baş verib

Mingəçevir və Xırdalanda yol-nəqliyyat hadisələri qeydə alınıb. Avtosfer.az-ın DİN-in saytına istinadən verdiyi məlumata görə, iyulun 3-də saat 15.00 radələrində Mingəçevir şəhərində şəhər sakini Müşfiq Yusifovun və Yevlax rayon sakini Rasim İsmayılovun idarə etdikləri "VAZ" markalı avtomobillər toqquşub. Nəticədə M.Yusifovun sərnişi, anası Qızpəri hadisə yerində ölüb, digər sərnişini, habelə R.İsmayılov və sərnişini xəstəxanaya yerləşdiriliblər.

İyulun 3-də saat 13.00 radələrində isə Xırdalan şəhərində Sumqayıt şəhər sakini Xəlil İsayev idarə etdiyi "Toyota" markalı avtomobillə yolun kənarında "KamAZ" markalı avtomobilini təmir edən həmyerlisi Faiq Bədəlovu vurub. Nəticədə F. Bədəlov hadisə yerində ölüb.

Hər iki faktla bağlı araşdırma aparılır.