Mingəçevirdə yol qəzası; 4 nəfər xəsarət alıb

Mingəçevir şəhərində yol-nəqliyyat hadisəsi baş verib. “Toyota Prado” və “KİA” markalı minik avtomobilləri toqquşub. Nəticədə 4 nəfər müxtəlif dərəcəli bədən xəsarətləri alıb. Onlardan ikisinin vəziyyəti ağırdır. Ağır vəziyyətdə olan yaralılar -  Yevlax rayon sakinləri, 1997-ci il təvəllüdlü Şəmsi Qabil oğlu Aslanov və 1997-ci il təvəllüdlü Telman Natiq oğlu Əsgərov Mingəçevir Şəhər Mərkəzi Xəstəxanasına çatdırılıblar. Digər iki yaralıya isə ilkin tibbi yardım göstərilib. 

Faktla bağlı araşdırma aparılır.

"Report”