Mingəçevirdə zəncirvari yol qəzası baş verib

Axşam saat 21:00 radələrində Mingəçevirdə üç avtomobilin iştirakı ilə zəncirvari yol qəzasa baş verib. Hadisə Heydər Əliyev prospektində qeydə alınıb. Belə ki, "22-BX-369" dövlət qeydiyyat nişanlı "VAZ-2109" markalı maşın "10-BM-282" dövlət qeydiyyat nişanlı "VAZ-21011" markalı minik avtomobilinə, "45-BJ-840" dövlət qeydiyyat nişanlı “Ford" markalı yük mikroavtobusu isə idarəetməni itirərək "VAZ-2109"a çırpılıb. Nəticədə sürücü və sərnişinlər ciddi xəsarət almasalar da, avtomobillərə ciddi ziyan dəyib. Prospektdə qısa müddətli avtomobil tıxacı yaranıb.

Məlumat üçün qeyd edək ki, bu, axşam saatlarında eyni prospektdə qeydə alınan ikinci hadisədir. Belə ki, saat 19:00 radələrində "VAZ-2104" markalı 45-BF-616 dövlət qeydiyyat nişanlı maşın Heydər Əliyev prospektinin 20 Yanvar küçəsi ilə kəsişməsində 90-XL-470 dövlət qeydiyyat nişanlı "Toyota Prado" ilə toqquşub. Hadisə zamanı xəsarət alan olmayıb.

“Report"