Minik avtomobili ekskavatorla toqquşdu: 1 ölü - Neftçalada

Neftçalada minik avtomobili traktorla toqquşub. Daxili İşlər Nazirliyinin mətbuat xidmətindən Avtosfer.az-a verilən məlumata görə, avqustun 24-də saat 17 radələrində Neftçala rayonunun Xolqarabucaq kəndi ərazisində kənd sakinləri Şamil Quliyevin idarə etdiyi “Hyundai” markalı ekskavatorla İbad Rzayevin idarə etdiyi “VAZ-2106” markalı avtomobil toqquşub. Nəticədə minik avtomobilinin sürücüsü hadisə yerində ölüb. Faktla bağlı araşdırma aparılır.