Minik avtomobili kanala düşüb - Astarada

Astarada yol-nəqliyyat qəzası baş verib. Avtosfer.az xəbər verir ki, bu barədə apa-nın cənub bürosunun məlumatına görə, hadisə bu gün saat 11.20 radələrində rayonun Böyük Şahağacı kəndi ərazisində qeydə alınıb. Həmin kəndin sakini, 1988-ci il təvəllüdlü İqbal İbrahimovun idarə etdiyi “VAZ-21015” markalı minik avtomobili qəfildən idarəetmənin  itməsi səbəbindən yolun kənarındakı kanala düşüb. Qəza zamanı xəsarət almış sürücü Lənkəran Mərkəzi Rayon Xəstəxanasına yerləşdirilib.

Faktla bağlı araşdırma aparılır.