Minik avtomobili mikroavtobusa çırpıldı: 13 yaralı

Rusiyanın Sverdlovsk vilayətində baş verən yol qəzasında 13 nəfər xəsarət alıb. Avtosfer.az Rusiya mətbuatına istinadən xəbər verir ki, qəza Nevyansk-Ayat magistral avtomobil yolunda baş verib. Hələlik məluma olmayan səbəbdən “VAZ 2114” markalı avtomobilin sürücüsü idarəetməni itirib, nəticədə maşın “QAZel” markalı sərnişin mikroavtobusuna çırpılıb.   

Qəza nəticəsində əksəriyyəti  “QAZel”-in sərnişinləri olmaqla 13 nəfər xəsarət alıb.

İki qadının vəziyyəti ağırdır.  “VAZ”ın sürücüsü də xəstəxanaya yerləşdirilib.

Araşdırma aparılır.