Minik maşını aşıb, 3 nəfər xəsarət alıb - Sabirabadda

Sabirabadda minik maşını aşıb, 3 nəfər xəsarət alıb. APA-nın məlumatına görə, Sabirabad rayonunun Qalaqayın kəndi ərazisində “Mercedes" markalı “90 SX 054” dövlət nömrə nişanlı avtomobil yoldan çıxaraq aşıb. Nəticədə 3 nəfər müxtəlif dərəcəli xəsarətlərlə Sabirabad rayon xəstəxanasına yerləşdirilib. Qəzada xəsarət alanlar Sabirabad sakinləri, 1998-ci il təvəllüdlü Ağayev Coşqun Elman oğlu, 1999-cu il təvəllüdlü Kamran Ulduz oğlu və 1997-ci il təvəllüdlü Abbaszadə Fərid Ədalət oğludur.

Faktla bağlı Sabirabad polis şöbəsində araşdırma aparılır.