Minik və yük avtomobilləri toqquşdu

Tovuzda xəsarətlə nəticələnən avtomobil qəzası baş verib. Avtosfer.az-ın APA-ya istinadən məlumatına görə, hadisə Tovuz şəhərinin girişində baş verib. “Mercedes” markalı avtomobilin yük maşını ilə toqquşması nəticəsində “Mercedes”də olan sərnişin, rayonun Abulbəyli kənd sakini, 1968-ci il təvəllüdlü Rübabə Qasımova bədən xəsarətləri alaraq xəstəxanaya yerləşdirilib. Ona tibbi yardım göstərilib. Vəziyyətinin kafi olduğu bildirilir.

Faktla bağlı araşdırma aparılır.