Misirdə ağır yol-nəqliyyat hadisəsi baş verib: Ölənlər var

Misirin Qırmızı Dəniz əyalətində turistləri daşıyan avtobusun qəzaya uğraması nəticəsində 39 nəfər xəsarət alıb, iki nəfər isə həlak olub.

Avtosfer.az xəbər verir ki, bu barədə məlumatı "RT Arabic" yayıb.

Zərərçəkmişlərin 27-si Rusiya vətəndaşı, yeddisi Finlandiya vətəndaşı, ikisi Litva, bələdçi və avtobus sürücüsü də daxil olmaqla üçü Misir vətəndaşıdır.

Qəza nəticəsində iki nəfər - avtobus sürücüsü və turistlərdən biri həlak olub.

Avtobusun qabaq hissəsində olan sərnişinlər daha ciddi xəsarət alıblar.

Bildirilir ki, turistlər ekskursiya proqramı çərçivəsində Qahirəyə gedirmişlər.