Möcüzə kimi hadisə: 24 nəfərin öldüyü qəzadan 4 yaşlı uşaq sağ çıxdı - VİDEO

Türkiyənin Kocaeli vilayətində miqrant qayığının qəzaya uğradığı hadisə sonrası möcüzə kimi hadisə baş verib. Avtosfer.az milli.az-a istinadən xəbər verir ki, 24 nəfərin can verdiyi qəzadan 5 saat sonra 4 yaşlı İraq türkməni olan Lia adlı qız uşağı helikopterdəki xilasedicilər tərəfindən aşkar edilərək dənizdən çıxarılıb. Dənizdə 5 saat qalan Lianın öncə öldüyü sanılıb. Azyaşlı qız son anda əlini uzadaraq "Mən burdayam, yaşayıram" deyə qışqırdıqdan sonra helikopterdəki xilasedicilər onu aşkar edə biliblər. Qeyd edək ki, qayıqda olan digər 6 nəfər isə hələ də tapılmır. Azyaşlı qızın atası xilas edilsə də, anasının axtarışları hələlik nəticə vermir.