Moped maşınla toqquşdu: 1 ağır yaralı - FOTO

Bakının Nərimanov rayonunda 1 nəfərin xəsarət alması ilə nəticələnən yol qəzası baş verib. Avtosfer.az "Report"a istinadən xəbər verir ki, taksi fəaliyyəti ilə məşğul olan "90-PE-796" dövlət qeydiyyat nişanlı "Renault" markalı avtomobil əsas yolla hərəkətdə olan zaman binalardan birinin həyətyanı sahəsindən çıxan və 1995-ci il təvəllüdlü Səmədov Alik Asif oğlunun idarə etdiyi moped ona çırpılıb. Nəticədə A.Səmədov ağır xəsarət alaraq xəstəxanaya yerləşdirilib. Faktla bağlı Nərimanov Rayon Polis İdarəsi araşdırma aparır.