Moskvaya uçan Türkiyə təyyarəsi təcili eniş etdi

"Turkish Airlines" aviaşirkətinin Antalyadan Moskvaya uçan təyyarəsi İstanbulun Atatürk hava limanında təcili eniş edib. Avtosfer.az Virtualaz.org-a istinadən bildirir ki, uçuş zamanı idarəetmə sistemində nasazlıq müəyyən olunub. "Boeing 737-800" Antalyadan dünən yerli vaxtla saat 22:00-da havaya qalxıb. Qara dənizin üzərində olan zaman pilotlar nasazlıq aşkar ediblər. Təyyarə İstanbulun dispetçer xidmətinin məsuliyyəti zonasında olduğu üçün laynerə, Türkiyənin demək olar ki, bütün ərazisi boyu uçandan sonra - saat 23:58-də Atatürk hava limanında eniş etməyə icazə verilib. Hazırda təyyarə təmirə göndərilib.