Motosikletlə minik maşını toqquşdu: bayker ağır xəsarət aldı - Bakıda

Bakıda motosikletlə minik maşını toqquşub. Avtosfer.az musavat.com-a istinadən xəbər verir ki, hadisə Xətai rayonunda baş verib. Nobel prospektində 1994-cü il təvəllüdlü Quliyev Fərid Vidadi oğlunun idarə etdiyi “Kawasaki” markalı motosikletlə BMW markalı avtomobil toqquşub. Nəticədə bayker Fərid Quliyev ağır bədən xəsarətləri alıb. O, təcili tibbi yardım maşını ilə 3 saylı Şəhər Kliniki Xəstəxanasına çatdırılıb.

Deformasiyaya uğramış motosiklet evakuator vasitəsilə cərimə meydançasına aparılıb. BMW-yə isə az ziyan dəyib.

Əraziyə Yol Patrul Xidmətinin (YPX) əməkdaşları cəlb edilib. İlkin ehtimala görə, qəzaya motosikletin sürücüsünün işıqforun qırmızı işığında keçməsi səbəb olub.