Müştəri taksi sürücüsünü bıçaqladı

Bakıda taksi sürücüsünə qarşı xuliqanlıq edilib. Avtosfer.az report-a istinadən bildirir ki, Bakıxanov qəsəbəsi, Gənclik küçəsində qəsəbə sakini Azad İsgəndərovun taksi kimi idarə etdiyi "Chevrolet" markalı avtomobilinə minən naməlum sərxoş sərnişin gediş haqqını ödəməyib. Bundan sonra mübahisə düşüb. Sərnişlin xuliqanlıq zəminində sürücünü döyüb və ona bıçaqla xəsarət yetirib.

Faktla bağlı araşdırmalar nəticəsində hadisəni törədən şəxsin Bakı şəhər sakini, 1985-ci il təvəllüdlü Rəhman Əliyev olduğu müəyyənləşdirilib. O, tutulub.