Nabran yolunda ağır qəza: ölən və yaralanan var

Xaçmaz rayonunda ağır yol qəzası baş verib. Avtosfer.az lent.az-a istinadən xəbər verir ki, Xaçmaz-Nabran yolunun 16-cı kilometrliyində - Qusarçay kəndi ərazisində "Mercedes" markalı avtomobil sürücünün idarəetməsindən çıxaraq aşıb. Nəticədə avtomobildə olan 26 yaşlı oğlan vəfat edib. Maşında olan 24 yaşlı oğlan isə ağır xəsarət alıb və xəstəxanaya yerləşdirilib. Faktla bağlı araşdırma aparılır.