Naməlum avtomobil piyadanı vuraraq qaçdı

Hacıqabulda piyadanın vurulması ilə nəticələnən yol-nəqliyyat hadisəsi baş verib. Hadisə axşam saatlarında Padar kəndində baş verib. Kənd sakini, 1966-ci il təvəllüdlü İbrahimov Mikayıl İsmayıl oğlu naməlum avtomobil tərəfindən vurulub. Müxtəlif dərəcəli xəsarətlər alan M.İbrahimov Şirvan şəhər xəstəxanasının travmatologiya  şöbəsinə yerləşdirilib. Onun vəziyyəti orta-ağır kimi qiymətləndirilir. Faktla bağlı araşdırma aparılır.