Nasaz olan yük maşını idarəetməni itirib evin hasarına çırpıldı - VİDEO

Gəncədə yol-nəqliyyat hadisəsi qeydə alınıb. Avtosfer.az arbtv-yə istinadən xəbər verir ki, Samux rayonu İnstitut qəsəbəsi sakini 46 yaşlı Araz Əliyev “Mercedes” markalı yük maşını ilə Sadiq Rəhimov küçəsində hərəkətdə olarkən idarəetməni itirib. Nəticədə yük maşını yolun solunda dayanan 47 yaşlı Gəncə sakini İlqar Məmmədova məxsus “Mercedes Sprinter”ə, daha sonra isə evin hasarına çırpılıb. Qəzada xəsarət alan olmasa da, avtomobillərə və evə zərər dəyib. Hadisəyə səbəb yük maşınında yaranan nasazlıq göstərilir. Fakt araşdırılır.