Naxçıvanda avtomobil AŞDI: Xəsarət alan var

Naxçıvan-Şahbuz yolunda avtomobil aşıb, xəsarət alan var.

Avtosfer.az unikal-a istinadən xəbər verir ki, hadisə Babək rayonunun Aşağı Uzunoba kəndi ərazisində, Naxçıvan-Şahbuz magistral yolunda baş verib. Qəza zamanı 75-BF-288 dövlət nömrə nişanlı "KİA" markalı avtomobil magistral yoldan çıxaraq ağaclara dəyib və aşıb.

Avtomobilin sürücüsü, Babək rayonu Şıxmahmud kənd sakini, 1988-ci il təvəllüdlü Tağıyev Samir Rüstəm oğlu xəsarət alıb. O, Naxçıvan Muxtar Respublika Xəstəxanasına yerləşdirilib.

Hədisə yerinə polis əməkdaşları cəlb edilib. Faktla bağlı araşdırma aparılır.