Naxçıvanda şəhidin atası və anası qəzaya düşdü - FOTO - YENİLƏNİB

Naxçıvanda baş verən yol-nəqliyyat hadisəsi nəticəsində xəsarət alan şəhid ailəsinin iki üzvünün vəziyyəti ağır olaraq qiymətləndirilir.

Avtosfer.az xəbər verir ki, bu barədə Oxu.Az-a həkim-reanimatoloq Məlhəm Yusifova məlumat verib.

O qeyd edib ki, qadın xəstədə sol qabırğaların, bud və çanaq sümüklərinin sınığı aşkarlanıb:

"Kişi xəstədə isə bud sümüyünün, baldır və incik sümüklərinin sınıqları müəyyən edilib".

Həkim bildirib ki, hər iki yaralının vəziyyəti ağırdır və onların müalicəsi reanimasiya şöbəsində davam etdiriləcək.

***13:06

Naxçıvan Muxtar Respublikasının Babək rayonunda yol qəzası baş verib.

Avtosfer.az Apa-ya istinadən xəbər verir ki, hadisə Çeşməbasar kəndi ərazisində qeydə alınıb. “KamAZ” və “Hyundai” markalı avtomobillərin toqquşması nəticəsində 2 nəfər xəsarət alıb. Xəsarət alanlar - 1970-ci il təvəllüdlü Habil Məmmədli və 1973-cü il təvəllüdlü Raziyə Məmmədova Naxçıvan Muxtar Respublika Xəstəxanasının Təcili tibbi yardım şöbəsinə yerləşdiriliblər.

Hadisə zamanı qaz infrastrukturuna da ziyan dəyib.

Qeyd edək ki, xəsarət alanlar şəhid Zaman Məmmədlinin atası və anasıdır.

Hadisə yerinə polis əməkdaşları və Naxçıvan MR Fövqəladə Hallar Nazirliyinin əməkdaşları cəlb olunub.

Faktla bağlı araşdırma aparılır.