Naxçıvanda TİR-la minik avtomobili toqquşdu: Azərbaycan və İran vətəndaşları xəsarət aldı

Şərur rayonunda yol-nəqliyyat hadisəsi baş verib.

Hadisə dünən gecə saatlarında rayonun Cəlilkənd ərazisində qeydə alınıb.

İran İslam Respublikasının vətəndaşları - 1983-cü il təvəllüdlü Mərənd şəhər sakini Əli Armankia və 1983-cü il təvəllüdlü Mərənd şəhər sakini İsmayıl Mustafazadənin idarə etdikləri TIR-la minik avtomobili toqquşub.

Qəza nəticəsində avtomobildə olan Cəlilkənd sakinləri 1973-cü il təvəllüdlü Kərəm Mustafayev və 1973-cü il təvəllüdlü Mahir Tağıyev, eyni zamanda TIR-da olan İran vətəndaşları xəsarət alıblar. Onlar Naxçıvan Muxtar Respublika Xəstəxanasının Travmatologiya şöbəsinə yerləşdiriliblər, vəziyyətlərinin sabit olduğu bildirilir.

Faktla bağlı araşdırma aparılır. (apa)