Naxçıvanda zəncirvari qəza: marşrut dörd avtomobilə çırpıldı - VİDEO

Naxçıvan şəhərində baş verən zəncirvari qəzada marşrut avtobusu dörd avtomobilə çırpılıb.

Avtosfer.az report-a istinadən xəbər verir ki, şəhərin İstiqlal küçəsində marşrut avtobusu idarəetmədən çıxaraq əvvəlcə "Opel" markalı avtomobillə toqquşub.

Daha sonra avtobus yol kənarında dayanmış "NAZ-Lifan", "Toyota" və "Changan" markalı avtomobillərə çırpılıb.

Qəza zamanı xəsarət alan olmasa da, avtomobillərə ciddi ziyan dəyib.

Hadisə yerinə polis əməkdaşları cəlb olunub, faktla bağlı araşdırma aparılır.