Nazir ailəsi ilə yol qəzasında öldü

Nigeriyada eyni gündə baş verən iki yol qəzası 21 nəfərin həyatına son qoyub. “Qafqzinfo”nun Rusiya KİV-nə istinadən verdiyi məlumata görə, qəzalardan biri Nigeriyanın şimalında yerləşən Bauçi şəhərində avtobusun yük maşını ilə toqquşması nəticəsində baş verib. Hadisə nəticəsində 17 sərnişin və sürücü olmaqla 18 nəfər dünyasını dəyişib. Digər qəza isə paytaxt Abuca istiqamətində olub. Belə ki, Abucaya öz şəxsi avtomobili ilə qayıdan əmək naziri Ceyms Oçoli qəzaya uğrayıb. Hadisə baş verən zaman onun yanında həyat yoldaşı və oğlu da olub. Onlar da qəza zamanı həlak olublar.

Hər iki hadisə ilə bağlı araşdırma aparılır.