Neftçalada ailə QƏZAYA DÜŞDÜ - Ata ÖLDÜ

Neftçala rayonunda minik avtomobili ilə motosiklet toqquşub.

Avtosfer.az xəbər verir ki, hadisə Neftçala şəhər M.Ə.Sabir küçəsində baş verib.

2005-ci il təvəllüdlü Əliəkbər Hüseynovun idarə etdiyi “Changan” markalı avtomobillə 1960-cı il təvəllüdlü Ağasəf Mirzəyevin sürdüyü motosiklet toqquşub, nəticədə A. Mirzəyev həlak olub.

Motosikletdə olan sərnişinlər - A.Mirzəyevin qızı 1986-cı il təvəllüdlü Günel İbrahimova, onun övladları - 2010-cu il təvəllüdlü Natiq, 2010-cu il təvəllüdlü Yəhya və 2008-ci il təvəllüdlü Ləman isə müxtəlif dərəcəli xəsarətlər alıblar.

Yaralılar Neftçala Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.

(report)