Nənəsinin yasına gedən gənc yolda öldü – YENİLƏNİB

Noyabrın 20-də Abşeron rayonu Masazır qəsəbəsində baş verən və ölümlə nəticələn yol-nəqliyyat hadisənin bəzi təfərrüatları məlum olub.

Avtosfer.az lent.az-a istinadən xəbər verir ki, hadisə zamanı ölən Oğuz rayon sakini Cavid Rəsulov Bakıda fəhləliklə məşğul olub.  Bildirildiyinə görə, mərhum  xalasıgildə qalırmış. Hadisə baş verən günü isə xalasının ailəsi ilə birlikdə Oğuza nənəsinin ölümünün il dönümünə gedirmiş.

Avtomobili xalası oğlu Şahin Səmədov idarə edib. Cavid Rəsulov isə avtomobilin ön oturacağında gedirmiş. Qəza baş verən zaman o, təhlükəsizlik kəmərindən istifadə etməyib. Bu səbəbdən zərbənin gücündən avtomobilin ön şüşəsindən çölə çıxıb.

Artıq Cavid Rəsulov Oğuz rayonu Bayan kəndində dəfn edilib.

Qəza zamanı avtomobildə olan Mahir Səmədovun omba sümüyü çıxıb, avtomobili idarə edən Şahin Səmədovun ayağı qırılıb, onun ayağına  7 tikiş qoyulub. Digər sərnişinlər Natiq Səmədov  isə sinəsindən zərbə alıb, Sevil Səmədavanın isə əli qırılıb.

Qeyd edək ki,  noyabrın 20-də saat 15 radələrində Abşeron rayonunun Masazır qəsəbəsində Şahin Səmədovun idarə etdiyi "VAZ-2106" və Daşqın Səfərovun idarə etdiyi "Mercedes" markalı avtomobillər toqquşub Nəticədə Ş.Səmədovun sərnişinlərindən Oğuz rayon sakini Cavid Rəsulov hadisə yerində ölüb, özü və digər sərnişini, habelə digər sürücü xəstəxanaya yerləşdirilib.

Abşeron RPİ tərəfindən araşdırma aparılır.

****

Bu gün Abşeron rayonu, Masazır qəsəbəsində ağır yol qəzası baş verib. Avtosfer.az apa-ya istinadən xəbər verir ki, Masazır qəsəbəsindən Bakı istiqamətində olan yolda, “Bazar Store” supermarketinin qarşısında “50 CZ 847” dövlət nömrə nişanlı  “VAZ 2106” markalı minik avtomobili ilə “90 DE 760” markalı “Mercedes” minik avtomobili toqquşub.

Qəza nəticəsində 1 nəfər ölüb, 2 nəfər yaralanıb. Ölən gənclə yaralı gənclərdən biri xalaoğludur