Nəzarətdən çıxan yük maşını motosikletçini vurub avtomobilin üzərinə aşdı - VİDEO

Sosial şəbəkələrdə Tailandda baş verən ağır yol-nəqliyyat hadisəsinin videosu yayılıb. Kadrlardan görünür ki, nəzarətdən çıxan yük maşını əvvəlcə motosikletçini vurub, daha sonra isə yaxınlıqda hərəkətdə olan minik avtomobilinin üzərinə aşıb.

Avtosfer.az xəbər verir ki, ağır zərbəyə baxmayaraq, motosiklet sürücüsü sağ qalıb.

O, yaralı halda xəstəxanaya yerləşdirilib, vəziyyətinin stabil olduğu bildirilir.

Avtomobil isə ciddi ziyan görüb. Hadisə yerinə polis və xilasedicilər cəlb olunublar, qəzanın səbəbləri araşdırılır.

Hadisə anının görüntüləri sosial şəbəkələrdə geniş müzakirələrə səbəb olub.

(oxu.az)