“Nissan” ağaca çırpıldı - 5 ölü

Bu gün Rusiyada minik avtomobilinin qəzaya uğraması nəticəsində 5 nəfər ölüb. Avtosfer.az-ın APA-ya istinadən verdiyi məlumata görə, hadisə Stavropol diyarının Novoaleksandrovsk şəhərində baş verib. İlkin məlumata görə, “Nissan” markalı minik avtomobilinin sürücüsü yüksək sürət səbəbindən idarəetməni itirib, ağaca çırpılıb. Zərbənin təsirindən “Nissan” yolun kənarında dayanan “VAZ-2104” markalı minik avtomobilinə çırpılıb. Qəza nəticəsində “Nissan” –da olan 4 kişi və bir qadın həyatını itirib.