“Niva” və “06” toqquşdu: 4 yaralı - Şəmkir-Gədəbəy yolunda

Bu gün Şəmkir-Gədəbəy avtomobil yolunda 4 nəfərin xəsarət alması ilə nəticələnən yol qəzası baş verib. Avtosfer.azın APA-ya istinadən məlumatına görə, qəza yolun 13-cü km-də qeydə alınıb. “Niva” və “VAZ 2106” markalı minik avtomobillərinin toqquşması nəticəsində 4 nəfər müxtəlif dərəcəli bədən xəsarətləri alaraq Şəmkir rayon Mərkəzi Xəstəxanasına yerləşdiriliblər. Onlardan ikisinin vəziyyəti orta-ağır, ikisinin vəziyyəti normal qiymətləndirilir. Faktla bağlı Şəmkir rayon Polis Şöbəsində araşdırma aparılır.