Növbəsini gözləməyən “Prius” sürücüsü “Opel”lə toqquşdu - VİDEO

Suraxanı rayonu Zığ şossesində yol-nəqliyyat hadisəsi baş verib.
Avtosfer.az-ın məlumatına görə, qəza mayın 15-də səhər saatlarında qeydə alınıb. Belə ki, 77-FZ-180 dövlət nömrə nişanlı “Toyota Prius” markalı maşın, 77-NG-153 dövlət nömrə nişanlı “Opel Astra” markalı avtomobillə toqquşub. Qəzaya səbəb “Prius” sürücüsünün növbəsini gözləmədən hərəkət etməsi olub. Nəticədə o, sol tərəfdən gələn maşına çırpılıb və zərbənin təsirindən fırlanaraq dəmir arakəsməyə dəyib. Hadisə zamanı sürücülər arasında xəsarət alan olmasa da, nəqliyyat vasitələri sıradan çıxıb.

Nərmin