Ödənişli yolda qəza: “Gelandewagen” maneəyə çırpılıb aşdı - VİDEO

Əhmədbəyli–Füzuli–Şuşa avtomobil yolunda yol-nəqliyyat hadisəsi baş verib.

Avtosfer.az-ın məlumatına görə, qəza bir neçə gün əvvəl səhər saatlarında qeydə alınıb. Belə ki, hərəkətdə olan “Mercedes Gelandewagen” markalı avtomobil sürücünün idarəetməsindən çıxaraq yol kənarındakı dəmir maneəyə çırpılıb və aşıb.

Hadisə nəticəsində avtomobilə ciddi ziyan dəyərək yararsız vəziyyətə düşüb. Xoşbəxtlikdən qəza zamanı sürücü xəsarət almayıb.

Faktla bağlı araşdırma aparılır.

Nərmin