Oğurluq avtomobillə qəza törədildi - Sumqayıtda

Sumqayıt şəhərində oğurluq avtomobillə yol-nəqliyyat hadisəsi törədilib. Avtosfer.az teleqraf.com-a istinadən xəbər verir ki, Sumqayıt şəhər sakini Anar Tarverdiyevə məxsus “VAZ-21154” markalı avtomobil qaçırılıb.

Baş verən oğurluqla bağlı Anar Tarverdiyev Sumqayıt şəhər Polis İdarəsinin 1-ci polis bölməsinə müraciət edib. 

Polis əməkdaşlarının həyata keçirdikləri əməliyyat-axtarış tədbirləri nəticəsində avtomobilin Sumqayıt şəhər sakini Rəşad Mustafayev tərəfindən qaçırılması müəyyən edilib. 

Məlum olub ki, Rəşad Mustafayev oğurladığı avtomobili idarə edilərkən yol nəqliyyat hadisəsi törədib. O, əzilmiş avtomobili yolun kənarında ataraq qaçıb. 

Rəşad Mustafayev tutulub.

Faktla bağlı Sumqayıt şəhər Polis İdarəsi tərəfindən araşdırma aparılır.