Oğuzda "VAZ" ağaca çırpıldı - Sürücü xəsarət aldı

Bu gün saat 14 radələrində Qaraməryəm – İsmayıllı – Şəki avtomobil yolunda yol-nəqliyyat hadisəsi baş verib.

Avtosfer.az unikal-a istinadən xəbər verir ki, Oğuz rayonunun Kərimli kəndi ərazisindən keçən hissəsində “VAZ-21099” markalı avtomobilin sürücüsü, Kərimli kənd sakini 1989-cu il təvəllüdlü İsmayılov Elşən Xaləddin oğlunun idarəetməni itirməsi nəticəsində nəqliyyat vasitəsi ağaca dəyib.

Xəsarət alan sürücü Oğuz Rayon Mərkəzi Xəstəxanasına yerləşdirilib. 

Faktla bağlı araşdırma aparılır.