Oğuzda yol qəzası oldu, xəsarət alan var - YENİLƏNİB

Sentyabrın 5-də saat 03:00 radələrində Respublika Təcili və Təxirəsalınmaz Tibbi Yardım Mərkəzinə Qaraməryəm-İsmayıllı-Şəki avtomobil yolunun Oğuz rayonu ərazisindən keçən hissəsində yol-nəqliyyat hadisəsinin baş verməsi səbəbilə çağırış daxil olub.

Avtosfer.az xəbər verir ki, bu barədə Teleqraf-ın sorğusuna cavab olaraq TƏBİB-dən bildirilib.

Məlumata əsasən çağırış əsasında təcili tibbi yardım briqadası ünvana cəlb olunub.

"Təcili tibbi yardım briqadası tərəfindən 1 nəfər (kişi cinsli) Oğuz Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

1990-cı il təvəllüdlü şəxsə sol ayağın və sol qabırğaüstü nahiyənin küt travması və sıyrılmış yarası diaqnozu təyin olunub.

Zəruri tibbi xidmət göstərilən şəxsin vəziyyəti qənaətbəxş qiymətləndirildiyindən o, ambulator müalicə üçün evə buraxılıb".

***

Bu gün saat 03:00 radələrində Qaraməryəm-İsmayıllı-Şəki avtomobil yolunun Oğuz rayonu ərazisindən keçən hissəsində qəza baş verib.

Avtosfer.az teleqraf.az-a istinadən xəbər verir ki, 77 - MJ - 300 qeydiyyat nişanlı Prius markalı avtomobil ilə Mercedes C Clas markalı avtomobil toqquşub.

Hadisə nəticəsində xəsarət alan var.

Faktla bağlı araşdırma aparılır.